മണ്ണിലും വിണ്ണിലും എന്റെ മനസ്സിലും

 

മണ്ണിലും വിണ്ണിലും എന്റെ മനസ്സിലും
സ്വർണ്ണപുഷ്പങ്ങൾ വിരിഞ്ഞു
നിൻ മുഖസൗരഭ്യമാദ്യം നുകർന്നു നിൻ
നെഞ്ഞിലെച്ചൂടിലലിഞ്ഞ രാവിൽ

വാസനത്താംബൂലം നീട്ടി ഞാൻ നിന്നു
നീ വാരിപ്പുണർന്നു ചിരിച്ചു
ആടുന്ന മഞ്ചലിൽ ആ രാവിൽ നാമിണ
പ്രാവുകൾ പോൽ ചേർന്നിരുന്നു

ജാലകവാതിലിലൂടെ നിലാവൊരു
മാലതീപുഷ്പമെറിഞ്ഞു
ആതിരക്കാറ്റു പുണർന്നൊരു പൂവിന്റെ
രോമാഞ്ചമെന്നിൽ വിരിഞ്ഞു