വെള്ളിത്താരമുദിച്ചല്ലോ

 

വെള്ളിത്താരമുദിച്ചല്ലോ
ലില്ലിപ്പൂക്കൾ വിരിഞ്ഞല്ലോ
വിരുന്നിനണയൂ വിരുന്നിനണയൂ
വിണ്ണിലെ രാജകുമാരാ

ഓരോ പൂവുമുണർന്നീലേ
പൂങ്കാവുകളാകെയൊരുങ്ങീലേ
ഓടക്കുഴലിലൊരീണവുമായി
ഓരോ കുയിലുമണർന്നീലേ
(വെള്ളിത്താരമുദിച്ചല്ലോ...)

വിരുന്നുമുറികളൊരുങ്ങീലേ
കുരുന്നു പൂവിൻ കുല പോലെ
നിറമെഴുതിരികൾ നിരയായ് മിന്നും
ശരറാന്തലുകൾ ചിരിച്ചീലേ
(വെള്ളിത്താരമുദിച്ചല്ലോ...)

പറന്നു പോകും തുമ്പികളേ
പഞ്ചവർണ്ണപ്പറവകളേ
ഒരു കുറി കൂടി പൂക്കാലത്തിൻ
ചിലമ്പു താളം ചൊരിയില്ലേ
ആ ചിലമ്പുമണികൾ ചിരിക്കില്ലേ
(വെള്ളിത്താരമുദിച്ചല്ലോ...)