മന്ദാരമലരിൽ

മന്ദാരമലരിൽ മഞ്ഞോല നെയ്യും
കുഞ്ഞോമലല നീ കുരുന്നേ 
തീരാത്ത പകലിൻ നോവേന്തി നീറും 
ഈ രാവിനൊളി നീ നിലാവേ 
അറിയാതെ മൂളും അലിവാർന്ന ഗീതം 
നിറയുന്നു നിന്നിൽ മകനേ
നിറമേഘ ജാലം ചിരിവാടി നിൽക്കേ 
ഒരു സ്നേഹതീരം തണുവാർന്നിരിക്കേ
സുഖസാഗരം പോൽ തിര മൂടിയോ 

പൊയ്പ്പോയ മഴയിൽ പാടാതെ അലയും 
താരാട്ട് ശ്രുതി മീട്ടിയോ 
ആലോലമുരുകും ആനന്ദഗാനം 
ഈ നേരമിതൾ നീട്ടിയോ 
പ്ലാവിലക്കുമ്പിളിൽ പാലോളിത്തിങ്കളിൻ
ചന്ദനം കോരാലോ
പാതിരാത്തെന്നലിൽ താമരത്തുമ്പിലെ
കുങ്കുമം തൊട്ടാൽ 
ഇളവേനൽനിലാ തുളി വീഴും വരെ 
തുണ ചേർന്നിരിക്കാം