മനസ്സിന്നൊരായിരം കിളിവാതിൽ

മനസ്സിനൊരായിരം കിളിവാതിൽ (2)
അടച്ചാലും ഓർമ്മതൻ
അടയ്‌ക്കാക്കുരുവികൾ ചിലയ്ക്കുന്ന കിളിവാതിൽ
മണിവാതിൽ
(മനസ്സിനൊരായിരം കിളിവാതിൽ)

ചേമ്പിലക്കുമ്പിളിൽ ചാഞ്ചക്കമാടുന്ന-
തെന്റെയുള്ളിലെ നീർമുത്ത്‌(2)
ഉള്ളം കൈയ്യിലെ ആമ്പൽപ്പൊയ്കയിൽ(2)
തുള്ളിക്കളിക്കണ മീനേത്‌ (മനസ്സിനൊരായിരം കിളിവാതിൽ)

പൂക്കണിക്കൊന്നയിൽ ഊഞ്ഞാലാടുന്ന-
തെന്റെയുള്ളിലെ പൂത്തുമ്പി(2)
കുഞ്ഞോളത്തിലെ തൂവൽത്തോണിയിൽ(2)
ഒന്നിച്ചിരിക്കണതാരാണ്‌ (മനസ്സിനൊരായിരം കിളിവാതിൽ)