ഇതുവരെ ഈ കൊച്ചുകളിവീണയിൽ

ഇതുവരെ ഈ കൊച്ചുകളിവീണയിൽ
ശ്രുതിയലിഞ്ഞൊഴുകിയൊരീണങ്ങളേ
ഇനിയേതു ജന്മാന്തരങ്ങളിൻ നാം
കണ്ടുമുട്ടും? വീണ്ടും കണ്ടുമുട്ടും?

(ഇതുവരെ...)

നാലുകാശിനന്നു നമ്മളാ നാടലഞ്ഞതും
ചാഞ്ഞുവീണുറങ്ങുവാൻ മരഛായ കണ്ടതും
നെഞ്ചിലെ ഓരോ ചിതയിലുമെരിയുന്നൂ

(ഇതുവരെ...)

ആയിരം നിറങ്ങളാർന്നൊരെൻ ബാല്യലീലകൾ
പീലിവീശി മേഞ്ഞിരുന്നൊരാ ഗ്രാമഭൂമിയിൽ
ഓർമ്മകൾതൻ ശവമഞ്ചങ്ങൾ മാത്രം

(ഇതുവരെ...)