ഇനിയൊരു കഥ പറയൂ

ഇനിയൊരു കഥ പറയൂ കണ്മണീ
ഇനിയൊരു കഥ പറയൂ
കൈവളക്കിലുക്കത്താൽ
കാൽചിലമ്പൊലിയാൽ
കടമിഴിക്കോണുകളാൽ കവിൾത്തുടുപ്പാൽ (ഇനിയൊരു ..)

മഞ്ഞല ചിന്നിയ രാവിൽ ചന്ദ്രിക
മങ്ങിയൊരീ കുളിര്‍ രാവിൽ
ചെമ്മുന്തിരിനീര്‍ പതയും കരളിൻ
പളുങ്കു പാത്രം നീട്ടി
വരൂ നീ വരൂ നീ വാനിലെ വാടാ
മലരിൻ നറുതേൻ തരൂ നീ (ഇനിയൊരു ..)

ഇന്ദ്രധനുസ്സിൽ മാരൻ ചേര്‍ത്തൊരു
പൊൻ മലരമ്പല്ലേ നീ
മാളവകന്യക ദോഹദമേകി
പൂത്തൊരശോകം പോലെ
മമ മനമാകും പ്രമദവനത്തിൽ
മധുരിമയല്ലേ നീ (ഇനിയൊരു ..)