ഏതു കാളരാത്രികൾക്കും
ഏതു കാളരാത്രികള്‍ക്കും
അപ്പുറത്തൊരു
ചേലെഴും പ്രഭാതമുണ്ടൊ-
രിക്കലെത്തിടും
അന്തി മുട്ടുകുത്തി വീണു
മാഞ്ഞു പോയിടും
ഇമ്പമായ വെട്ടമെങ്ങും
ആളി നിന്നിടും
ഖബറിടങ്ങളില്‍ കരിഞ്ഞ
കനവിന്‍ മൊട്ടുകള്‍
ചിറകടിച്ചു കിളികളായ്
പറന്നുയര്‍ന്നിടും
ഏതു കാളരാത്രികള്‍ക്കും
അപ്പുറത്തൊരു
ചേലെഴും പ്രഭാതമുണ്ടൊ-
രിക്കലെത്തിടും
ചുമലില്‍ ഒട്ടധികം നുകം
ഉടലില്‍ ചാട്ടകൾതൻ
ചടുലവീഴ്ചകള്‍ എരിതിണര്‍പ്പുകള്‍
അണിയും ഉറ്റവരേ
തുടല്‍ വരിഞ്ഞിരുളിന്‍
കുടില കന്മലയില്‍
കഴുകിളകിയാര്‍ത്തു കരൾപറിക്കും
കഠിനയാതനയില്‍
സമനിലപ്പാലം മുടിയിഴയില്‍
അടിപതറാതെ
ഇതിലെ വന്നവരേ....
പലവിധികള്‍ വെന്നവരേ
നിങ്ങളുടെ പ്രിയഗാനങ്ങളിലേയ്ക്ക് ചേർക്കൂ:
No votes yet
Ethu kaalarathri
Additional Info
Year:
1999
ഗാനശാഖ: