ആയിരം കാതമകലെയാണെങ്കിലും

ആയിരം കാതമകലെയാണെങ്കിലും
മായാതെ മക്ക മനസ്സിൽ നിൽപ്പൂ
ലക്ഷങ്ങളെത്തി നമിക്കും മദീന
അക്ഷയജ്യോതിസ്സിൻ പുണ്യഗേഹം
സഫാ മാർവാ മലയുടെ ചോട്ടിൽ
സാഫല്യം നേടി തേടിയോരെല്ലാം

തണലായ് തുണയായ് സംസം കിണറിന്നും
അണകെട്ടി നിൽക്കുന്നൂ പുണ്യതീർ‍ത്ഥം
കാലപ്പഴക്കത്താൽ...
കാലപ്പഴക്കത്താൽ മാറ്റാൻ കഴിയുമോ
ബിലാലിൻ സുന്ദര ബാങ്കൊലികൾ
ഖൂറാന്റെ കുളിരിടും വാക്യങ്ങളെന്നുടെ
കരളിലെ കറകൾ കഴുകിടുന്നൂ
(ആയിരം)

തിരുനബി ഉരചെയ്ത സാരോപദേശങ്ങൾ
അരുളട്ടിഹപരാനുഗ്രഹങ്ങൾ
എന്നെ പുണരുന്ന...
എന്നെ പുണരുന്ന പൂനിലാവേ
പുണ്യറസൂലിൻ തിരുവൊളിയേ
അള്ളാവേ നിന്നരുളൊന്നു മാത്രം
തള്ളല്ലേ നീയെന്നെ തമ്പുരാനേ
(ആയിരം)

.