പൊന്നരഞ്ഞാണം പൊക്കിൾപ്പൂവിന്

പൊന്നരഞ്ഞാണം പൊക്കിൾപ്പൂവിന്
പൊൻമുത്തമേകുന്ന നേരം
ഏതു കോലോത്തെ തമ്പുരാട്ടീ നീ
എന്നെ കീഴടക്കി
എന്നിലെ എന്നെ കീഴടക്കി
പൊന്നരഞ്ഞാണം പൊക്കിൾപ്പൂവിന്
പൊൻമുത്തമേകുന്ന നേരം

തുളസിപ്പൂ ചൂടിയെത്തും നിന്റെ
ലോലഹൃദയത്തിൻ നൈർമല്യമോ
മന്ദഹാസമോ മന്ദാക്ഷജാലമോ
എന്തോ ഏതോ കീഴടക്കി
എന്നിലെ എന്നെ കീഴടക്കി
(പൊന്നരഞ്ഞാണം...)

പൂവമ്പൻ കണ്ണുവയ്ക്കും നിന്റെ
പൂവലങ്കത്തിൻ സൗന്ദര്യമോ
നിത്യരാഗമോ നിന്നാഢ്യഭാവമോ
നന്മേന്ദ്രിയങ്ങളെ കീഴടക്കി
എന്നിലെ എന്നെ കീഴടക്കി
(പൊന്നരഞ്ഞാണം...)