വെള്ളിയാഴ്ച നാൾ

വെള്ളിയാഴ്ച്ച നാൾ ചന്ദ്രനെക്കണ്ടാൽ
വെളുക്കുവോളം വിരുന്ന്
വിരുന്ന് പ്രേമവിരുന്ന്
വീഞ്ഞിൽ മുക്കിയ വിരുന്ന്
(വെള്ളിയാഴ്ച...)

മേലേ മാനം താഴെ ഭൂമിയും
പാനപാത്രങ്ങൾ നീട്ടുമ്പോൾ
എന്നിൽ മാദകലഹരിയുണർത്താൻ
എന്തേ എന്തേ നാണം എയ്
എന്തിത്ര നാണം
ലലലാ ലലലാ
(വെള്ളിയാഴ്ച...)

ചുണ്ടും ഗ്ലാസ്സും വണ്ടും പൂക്കളും
ചുംബനങ്ങൾ പകരുമ്പോൾ
എന്റെ കിനാവിൻ മാറിൽ മയങ്ങാൻ
എന്തേ എന്തേ നാണം എയ്
എന്തിത്ര നാണം
ലലലാ ലലലാ
(വെള്ളിയാഴ്ച...)