എങ്ങു നീ

എങ്ങുനീ എന്നോടൊന്നും പറയാതെ
കനവായ് പോയതെന്തേ
പിന്നെയും മിഴിയിൽ നിറയാതെ
നിനവായ് തീർന്നതെന്തേ
അഴകേ പറയൂ ( എങ്ങുനീ)

സപ്തവർണ്ണങ്ങളും ചാലിച്ചെടുത്തൊരു
വരവർണ്ണതിരശ്ശീല നീയല്ലയോ (2)
കളിവിളക്കെരിയുമെൻ കളിയരങ്ങിൽ
തിരനോട്ടം കാണാതെ തിരിച്ചതെന്തേ...
(എങ്ങുനീ ...) 

ഏഴുസ്വരങ്ങളും ഒന്നിച്ചു ചേർന്നൊരു
ഗന്ധർവ്വ സംഗീതം നീയല്ലയോ (2)
മരുപ്പച്ച തേടി നീ അലയുമെൻ മനസ്സിലെ
മഴത്തുള്ളിയാകാതെ മറഞ്ഞതെന്തേ..
 (എങ്ങുനീ ...)