പുലരികളും പൂമണവും
പുലരികളും പൂമണവും
പുലരികളും പൂമണവും
കരളുകളിൽ തേൻചൊരിയും
മലയാളക്കരയിതിലല്ലോ
ഞാൻ പിറന്നൂ (പുലരികളും..)
അരുവികളിൽ തിര വിരിയും
തളിരുകളിൽ കുളിരിഴയും
അതിലുറയും കലകളിലല്ലോ
ഞാനുണർന്നു
മധു നുകരാൻ ഒഴുകി വരും
ചെറുകിളികൾ ശ്രുതി പകരും
മാവേലിക്കവിതകളല്ലോ
ഞാൻ പഠിച്ചൂ (പുലരികളും..)
കഥകളിയും കാകളിയും
കഥ പറയും നിറപറയും
കണിയുണരും കളരിയില്ലല്ലോ
ഞാൻ വളർന്നൂ
മനസ്സുകളിൽ പ്രഭവിടരാൻ മലിനതയോടെതിരിടുവാൻ
പടവിളിയും പടഹവുമായ് ഞാൻ
തേർ തെളിക്കും (പുലരികളും..)
നിങ്ങളുടെ പ്രിയഗാനങ്ങളിലേയ്ക്ക് ചേർക്കൂ:
No votes yet
Pularikalum poomanavum
Additional Info
ഗാനശാഖ: