കാലിത്തൊഴുത്തിൽ

ആ...
കാലിത്തൊഴുത്തിൽ പിറന്നവനേ
കരുണ നിറഞ്ഞവനേ
കരളിലെ ചോരയാൽ
പാരിന്റെ പാപങ്ങൾ
കഴുകികളഞ്ഞവനേ
അടിയങ്ങൾ നിൻനാമം വാഴ്ത്തീടുന്നു
ഹല്ലേലൂയാ ഹല്ലേലൂയാ
കാലിത്തൊഴുത്തിൽ പിറന്നവനേ
കരുണ നിറഞ്ഞവനേ

കനിവിൻ കടലേ അറിവിൻ പൊരുളേ
ചൊരിയൂ ചൊരിയൂ അനുഗ്രഹങ്ങൾ
നിൻ മുന്നിൽ വന്നിതാ നില്പൂ ഞങ്ങൾ
ഹല്ലേലൂയാ ഹല്ലേലൂയാ
കാലിത്തൊഴുത്തിൽ പിറന്നവനേ
കരുണ നിറഞ്ഞവനേ

ആ‍...
ഉലകിൻ ഉയിരായ് മനസ്സിൽ മധുവായ്
ഉണരൂ ഉണരൂ മണിവിളക്കേ
കർത്താവേ കനിയൂ നീ യേശുനാഥാ
ഹല്ലേലൂയാ ഹല്ലേലൂയാ
കാലിത്തൊഴുത്തിൽ പിറന്നവനേ
കരുണ നിറഞ്ഞവനേ