നുണക്കുഴിക്കവിളിൽ

നുണക്കുഴിക്കവിളിൽ 
നഖച്ചിത്രമെഴുതും താരേ - താരേ 
ഒളികണ്മുനകൊണ്ട്‌ 
കുളിരമ്പെയ്യുന്നതാരേ - ആരേ
(നുണക്കുഴി..) 

അനുരാഗക്കടലിൽ നിന്ന-
മൃതുമായ്‌ പൊന്തിയ താരേ - താരേ
മനസ്സിൽ വെച്ചെപ്പൊഴും നീ 
ആരാധിക്കുന്നതാരേ - ആരെ
ചിരികൊണ്ടു പൂക്കളെ
നാണത്തിൽ മുക്കിയ താരേ
ചുടുചുംബനം കൊണ്ടു മൂടിപ്പുതപ്പിച്ചതാരേ
ആരെ - ആരെ - ആരെ
(നുണക്കുഴി..) 

മലർക്കാലം വിടർത്തുന്ന 
മലരമ്പൻ വളർത്തുന്ന താരേ - താരേ 
മയക്കം മിഴിയടയ്ക്കുമ്പോൾ 
സ്വപ്നം കാണുന്നതാരേ -  ആരെ
ശരൽകാലസന്ധ്യകൾ 
അണിയിച്ചൊരുക്കിയ താരേ
സ്വയംവരപ്പന്തലിൽ മാലയിടാൻ പോണതാരേ
ആരെ - ആരെ - ആരെ
(നുണക്കുഴി..)