തിരമാല തേടുന്നു തീരങ്ങളേ

തിരമാല തേടുന്നു തീരങ്ങളേ
കിരണങ്ങൾ തേടുന്നു ദീപങ്ങളേ
ഹൃദയങ്ങൾ തേടുന്നു മോഹങ്ങളേ
(തിരമാല..)

മനസ്സാക്ഷിയെവിടേ....
മുറിവേറ്റു പിടയുന്ന മനസാക്ഷിയിൽ
തെളിയുന്നു വ്യാമോഹ ജലരേഖകൾ
ശവദാഹം കഴിയുന്ന കുഴിമാടത്തിൽ
വിരിയുന്നു നിറമുള്ള എരുക്കിൻ പൂക്കൾ
(തിരമാല..)

മന:ശാന്തിയെവിടേ....
ചിരകാല സങ്കല്പമലർവാടിയിൽ
കടലാഴി അലറുന്ന നിമിഷങ്ങളിൽ
മനശ്ശാന്തി തേടുന്ന മധുശാലകൾ
മനസ്സെന്ന കുരുടന്റെ കണ്ണാടികൾ
(തിരമാല..)