മാമലവാഴും പൂതങ്ങളേ

ഓഹോഹോ ഹൊയ്യാ...ആ..

മാമലവാഴും പൂതങ്ങളേ
തീമലയാളും തൈവങ്ങളേ
തേനും പാലും ചോരയും ഞങ്ങള്‍ തന്നീടാം
മാടങ്ങള്‍ കാക്കും തേവര്‍കളേ
മാരിപെയ്യിക്കും തേവിമാരേ
പൂവും നീരും കുരുതിയും ഞങ്ങള്‍ തന്നീടാം
മാലിലക്കാളീ മാമലക്കാളീ
മണ്ണില്‍ വന്നേ വന്നേ വാ
മാലചാര്‍ത്താം മഞ്ഞള്‍ ചാര്‍ത്താം
ജുംബോ ജുംബോ ജുംബോ ജുംബോ

തേനിമലത്തേവനിന്ന് ഏഴിമലത്തേവനിന്ന്
ചോര്‍ന്നൊഴുകും ചോരമധു നീരാട്ട്
കുംഭമേഴുമാടിടും കുടയേഴും ചൂടിടും
നാഗമഠക്കാവിലിന്ന് തീയാട്ട്
മാരിയമ്മേ... കാളിയമ്മേ
മിഴിയാട്ടം മുടിയാട്ടം തെയ്യാരേ
മണിയാട്ടം മലരാട്ടം തെയ്യാരേ

ഓഹോഹോഹോ...
മാരിതൂകും തേവിക്കുന്ന് മാരിയമ്മന്‍ തേവിക്കിന്ന്
ആളിക്കത്തും തീയുകൊണ്ടൊരാറാട്ട്
അസ്ഥിമാലചാര്‍ത്തിടും അഗ്നിത്താലമേന്തിടും
തമ്പുരാട്ടിക്കിന്നു രാത്രി താലപ്പൊലി
മാരിയമ്മേ മാരിയമ്മേ
വളയാട്ടം തളയാട്ടം തെയ്യാരേ
കുടലാട്ടം കനലാട്ടം തെയ്യാരേ

നിങ്ങളുടെ പ്രിയഗാനങ്ങളിലേയ്ക്ക് ചേർക്കൂ: 
0
No votes yet
mamala vazhum poothangale

Additional Info

Year: 
1978

അനുബന്ധവർത്തമാനം