മധുരിയ്ക്കും മാതളപ്പഴമാണ് (ശോകം )
രാരിരം രാരിരം രാരാരിരോ
രാരിരം രാരിരം രാരാരിരോ
മധുരിയ്ക്കും മാതളപ്പഴമാണ് - നിന്നെ
മറ്റാര്‍ക്കും തിന്നാന്‍ കിട്ടൂല്ലാ
മണമുള്ള മന്ദാരമലരാണ്
മാലയില്‍ കോര്‍ക്കാന്‍ പറ്റൂല്ലാ
ചേലുള്ള മരതകമണിയാണ്
ചെപ്പിലടയ്ക്കാന്‍ കിട്ടൂല്ലാ (2)
പത്തരമാറ്റുള്ള പൊന്നാണ്
പത്താക്കു തീര്‍ക്കാന്‍ പറ്റൂല്ലാ
മധുരിയ്ക്കും മാതളപ്പഴമാണ് - നിന്നെ
മറ്റാര്‍ക്കും തിന്നാന്‍ കിട്ടൂല്ലാ
പഞ്ചാര തഞ്ചുന്ന ചിരിയാണ്
പായസം വെയ്ക്കാന്‍ ഒക്കൂല്ലാ (2)
കുളിര്‍ഗാനം പാടുന്ന കിളിയാണ്
കൂട്ടിലടയ്ക്കാന്‍ കിട്ടൂല്ലാ
മധുരിയ്ക്കും മാതളപ്പഴമാണ്
മറ്റാര്‍ക്കും തിന്നാന്‍ കിട്ടൂല്ലാ
മണമുള്ള മന്ദാരമലരാണ്
മാലയില്‍ കോര്‍ക്കാന്‍ പറ്റൂല്ലാ
രാരിരം രാരിരം രാരാരിരോ
രാരിരം രാരിരം രാരാരിരോ
നിങ്ങളുടെ പ്രിയഗാനങ്ങളിലേയ്ക്ക് ചേർക്കൂ:
No votes yet
madhurikkum maathala pazhamaanu (pathos)
