ഇരുന്നൂറു പൗർണ്ണമിചന്ദ്രികകൾ

ഇരുന്നൂറു പൗർണ്ണമി ചന്ദ്രികകൾ
ഇരുന്നൂറു പൊന്നരയന്നങ്ങൾ
കുളിരുമായ് നിന്റെ കൗമാരത്തിന്റെ
കിളിവാതിൽ കിരുകിരെ തുറന്നു നോക്കി (ഇരുന്നൂറു..)
 
വിരിയും വികാരത്തിൻ പൂവുകൾ കണ്ടൂ
അവയിലെ മഞ്ഞിന്റെ മുത്തുകൾ കണ്ടൂ (2)
മിഴിമുന കൊണ്ടു മോഹിച്ചു നിന്നൂ
മറുകുള്ള കവിളത്തൊരുമ്മ തന്നൂ - നിന്റെ
മറുകുള്ള കവിളത്തൊരുമ്മ തന്നൂ  (ഇരുന്നൂറു..)
 
വിരിയാത്തൊരായിരം മൊട്ടുകൾ കണ്ടൂ
അവയിൽ തുളുമ്പുന്ന തേൻകൂടു കണ്ടൂ (2)
വിരൽനഖം കൊണ്ടു കോരിത്തരിച്ചൂ
ചിറകുള്ള സ്വപ്നങ്ങൾ വാരിയിട്ടൂ - ഉള്ളിൽ
ചിറകുള്ള സ്വപ്നങ്ങൾ വാരിയിട്ടൂ (ഇരുന്നൂറു..)