ഒരു താമരപ്പൂവിൻ താരുണ്യ സ്വപ്നമായ്

ഒരു താമരപ്പൂവിൻ താരുണ്യ സ്വപ്നമായ്

ഒരു രാവിൽ ഞാനൊളിച്ചൂ

ഉദയത്തിൻ ഉപവനം പൂക്കാതിരിക്കാൻ

അലരിവൾ ആഗ്രഹിച്ചൂ

കരിവണ്ടായെന്നധരങ്ങളിലോമന

അരിയപരാഗങ്ങൾ ചൂടി

മധുരത്തേൻ മുത്തുകൾ നൽകീ

മായിക സോപാനമേകി

സുഖത്തിലൊളിക്കുന്ന ദുഃഖത്തിൻ ചൈതന്യം

ഇരുവരുമാസ്വദിച്ചൂ നമ്മൾ

ഇരുവരുമാസ്വദിച്ചൂ (ഒരു..)

വാചാലമാം മൗനമെന്ന പോൽ ചന്ദ്രിക

വാപിയിൽ വീണു ചിലമ്പി

അണിമുത്തു കിങ്ങിണി പാടി ആനന്ദക്കാറ്റലയാടി

ഇരവിന്റെ പിന്നിലെ പകലെന്ന യാഥാർഥ്യം

ഇരുവരും വിസ്മരിച്ചൂ നമ്മൾ

ഇരുവരും വിസ്മരിച്ചൂ  (ഒരു..)