യാമശംഖൊലി വാനിലുയർന്നൂ

യാമശംഖൊലി വാനിലുയർന്നൂ
സോമശേഖര ബിംബമുണർന്നൂ
നിറുകയിൽ തൊഴുകൈ താഴികക്കുടമേന്തി
ദേവാലയം പോലും ധ്യാനിച്ചു നിന്നു
(യാമശംഖൊലി..)

മഞ്ഞലയിൽ കുളിരലയിൽ
മനസ്സും ശരീരവും ശുദ്ധമാക്കി
മന്ദസമീരനിൽ മന്ത്രങ്ങളും ചൊല്ലി
മല്ലികപ്പൂത്താലമേന്തി
ഒരുങ്ങീ പൂജക്കൊരുങ്ങി
ഈ മനോഹര തീരം
ഈ മനോഹരതീരം
(യാമശംഖൊലി..)

പൊന്നിലയിൽ കുങ്കുമവും
പൂവും പ്രസാദവും ചേർത്തൊരുക്കീ
അകിൽപ്പുക പൊങ്ങും മുകിൽ മുറ്റമെങ്ങും
ആയിരം പൊങ്കാലയോടെ
വരുന്നൂ മെല്ലെ വരുന്നൂ
ആ ദിവാകര ബിംബം
ആ ദിവാകര ബിംബം
(യാമശംഖൊലി..)

നിങ്ങളുടെ പ്രിയഗാനങ്ങളിലേയ്ക്ക് ചേർക്കൂ: 
0
No votes yet
Yaamashankholi

Additional Info

അനുബന്ധവർത്തമാനം