മഞ്ഞിൻ കുളിരിൻ നീർമഴയായി

മഞ്ഞിൻ കുളിരിൻ നീർമഴയായി വരുമോ ഇനിയും
വെൺതിരിയായി എൻ നിഴലായി
ഒരു സ്നേഹച്ചിമിഴിൻ നിനവിൽ അലിയാൻ
ഒരു മിഴിയായി വരുമോ പറയൂ
മഞ്ഞിൻ കുളിരിൻ നീർമഴയായ് വരുമോ ഇനിയും
വെൺതിരിയായി എൻ നിഴലായി

വിണ്ണിൻ മേഘത്തേരിൽ ...
മിന്നും വെള്ളിത്തൂവൽ..
എന്നിൽ മോഹത്തിരയായി
ചിമ്മും നിൻ മിഴിയിണകൾ
തേടുമോ എൻ മോഹ ശലഭമഴയായ്
കേൾക്കുമോ എൻ ആത്മമന്ത്രണങ്ങൾ
മധുമാസം പുലർകാലം തേടുകയാണോ
മിഴികളിലേതോ നിസ്വനഗാനം പാടും രാവിൽ
മഞ്ഞിൻ കുളിരിൻ നീർമഴയായി വരുമോ ഇനിയും
വെൺതിരിയായി എൻ നിഴലായ്

മണ്ണിൻ മൗനച്ചൂടിൽ വിങ്ങും മോഹശതങ്ങൾ
ഒരുജന്മം വീണ്ടും തരുമോ
ഭൂവിൻ മാറിൽ നിറയാൻ
പാടുമോ വീണ്ടും മധുരമന്ത്രശ്രുതിയായി
നേരുമോ ആഷാഢ ഭാവുകങ്ങൾ
മഴവില്ലിൻ നിറദീപം സാധകമായോ
സിരകളിൽ ഏതോ ചുംബന ലഹരിയിലലിയാൻ വരുമോ

മഞ്ഞിൻ കുളിരിൻ നീർമഴയായി വരുമോ ഇനിയും
വെൺതിരിയായി എൻ നിഴലായി
ഒരു സ്നേഹച്ചിമിഴിൻ നിനവിൽ അലിയാൻ
ഒരു മിഴിയായി വരുമോ പറയൂ
മഞ്ഞിൻ കുളിരിൻ നീർമഴയായി വരുമോ ഇനിയും
വെൺതിരിയായി എൻ നിഴലായ്

നിങ്ങളുടെ പ്രിയഗാനങ്ങളിലേയ്ക്ക് ചേർക്കൂ: 
6
Average: 6 (1 vote)
manjin kulirin neermazhayaayi(miss lekha tharoor kanunnatha malayalam movie)