പാടുവാൻ ഓർമ്മകളിൽ

പാടുവാൻ ഓർമ്മകളിൽ
പദങ്ങൾ തേടുകയായിരുന്നു
മൂളൂ നീ മോഹങ്ങൾ സ്വരങ്ങൾ തേടുകയായിരുന്നു
അതിലാദി താളച്ചോടു വെച്ചത് ലീലാമാനസം
അതിൽ ഇന്ദുകാന്തക്കല്ലു തൊട്ടത് മായാമാധവം (പാടുവാൻ...)

പാഴ്‌മരുഭൂവും  പാൽക്കടലാകും
വാർതിങ്കൾ പുഞ്ചിരിക്കേ (2)
കുങ്കുമരാഗം ചാർത്തീ യാമം (2)
മണ്ണിലെന്നും പുലരികളേകും ശ്രീമന്ത്രം (പാടുവാൻ..)

മഴവിൽ മുനയാൽ ആരെഴുതുന്നു
മലരിന്നിതളിൽ പ്രിയ കാവ്യം (2)
കതിരൊളിയാലെൻ പ്രാണനിലാരോ (2)
പൊൻ മുളം കുഴലൂതി വരുന്നൊരു ശ്രീരാഗം (പാടുവാൻ..)