അമ്പലവെളിയിലൊരാൽത്തറയിൽ

അമ്പലവെളിയിലൊരാൽത്തറയിൽ
കൈക്കുമ്പിളിൽ നാലഞ്ചു പൂക്കളുമായ് 
കണ്ണുനീർ ചരടിന്മേൽ മാലകോർത്തിരിക്കുന്ന
സന്ന്യാസിനിയാണു ഞാൻ - പ്രേമ
സന്ന്യാസിനിയാണു ഞാൻ

ഉത്സവവേളയിൽ സ്വപ്നരഥത്തിലെന്റെ
വത്സലദേവൻ പുറത്തെഴുന്നള്ളുമ്പോൾ
കഴലിൽ നമസ്കരിച്ചൂ നിർവൃതി കൊള്ളുന്നു
നിഴലിൽ മറയുന്നു ഞാൻ - ദൂരേ
നിഴലിൽ മറയുന്നു ഞാൻ
(അമ്പല..)

എന്തിനെന്നറിവീല എന്റെയീ പൂജാമാല്യം
എന്നും ഞാൻ കോർക്കുന്നു വിദൂരതയിൽ
ആരാധനയ്ക്കല്ലാ അലങ്കരിക്കാനുമല്ലാ
അധഃകൃതയല്ലോ ഞാൻ - വെറും
അധഃകൃതയല്ലോ ഞാൻ  

അമ്പലവെളിയിലൊരാൽത്തറയിൽ
കൈക്കുമ്പിളിൽ നാലഞ്ചു പൂക്കളുമായ് 
കണ്ണുനീർ ചരടിന്മേൽ മാലകോർത്തിരിക്കുന്ന
സന്ന്യാസിനിയാണു ഞാൻ - പ്രേമ
സന്ന്യാസിനിയാണു ഞാൻ

നിങ്ങളുടെ പ്രിയഗാനങ്ങളിലേയ്ക്ക് ചേർക്കൂ: 
7.5
Average: 7.5 (2 votes)
Ambalaveliyi

Additional Info

Year: 
1970

അനുബന്ധവർത്തമാനം