ശരണം നിൻ ചരണം മുരാരെ

ശരണം നിൻ ചരണം മുരാരേ..
ശരണം നിൻ ചരണം മുരാരേ(2)
കായാമ്പൂവുടൽ കാണായ്‌വരണം
അടിമലരിതളിൽ അഭയം തരണം(2)
(ശരണം നിൻ..)

ഇന്ദിര തന്നുടെ സുന്ദര ഹൃദയം
മന്ദിരമാക്കിയ മരതക വർണ്ണാ (ഇന്ദിര..)
ആധിയിലെന്മനം ഉരുകും നേരം
ആശ്രയമടിയനു നീയേ കണ്ണാ (2)
(ശരണം നിൻ..)

കാരുണ്യം പെയ്യുന്ന കരിമഴമുകിലേ
കാൽ കഴുകാം ഞാൻ കണ്ണീരാലേ
മുരളിയിൽ നിന്നൊരു സ്വരമധുമാരി(2)
മുകരട്ടെ ഞാൻ വിപിനവിഹാരി(2)
(ശരണം നിൻ..)