കൈയ്യിൽ മല്ലീശരമില്ലാത്തൊരു

കൈയ്യിൽ മല്ലീശരമില്ലാത്തൊരു കാമദേവൻ
കാർകുഴലിൽ മയിൽപ്പീലി ചൂടാത്തൊരു
കായാമ്പൂ വർണ്ണൻ - അങ്ങെന്റേ
കായാമ്പൂ വർണ്ണൻ 
(കൈയ്യിൽ.. )

ഈ മുഖബിംബം കണ്ടു വിടർന്നു
കൗമാരത്തിൻ മൊട്ടുകൾ  - എന്റെ
കൗമാരത്തിൻ മൊട്ടുകൾ 
ഈ മുഖപുഷ്പപരാഗമണിഞ്ഞു
യൗവനത്തിൻ ദാഹങ്ങൾ -  എന്റെ
യൗവനത്തിൻ ദാഹങ്ങൾ 
(കൈയ്യിൽ.. )

എന്നുമീ പുഞ്ചിരി ചുവപ്പിക്കും
എൻകവിൾപ്പൂവിലെ സിന്ദൂരം
എന്നും രോമാഞ്ചമണിയിക്കും
എൻകരൾപ്പൂവിലെ അനുരാഗം
എൻകരൾപ്പൂവിലെ അനുരാഗം
(കൈയ്യിൽ.. )