ചിരിയോ ചിരി

ചിരിയോ ചിരി... ചിരിയോ ചിരി..
ചിലമ്പണിഞ്ഞ തെക്കൻകാറ്റിനു ചിരിയൊതുക്കാൻ മേല..
കുപ്പിവളയണിഞ്ഞ വള്ളിപ്പെണ്ണിനും ചിരിയൊതുക്കാൻ മേല...

തങ്കമേ നിൻ പൂങ്കവിളിൽ പൂമ്പൊടിയായ് നാണം ..
ആ പൂമ്പൊടിയിൽ രാഗവർണ്ണ മേഘത്തൂവൽ നീന്തി..
ഒരുകൊച്ചുനുള്ളുതന്നാൽ ഒരു സന്ധ്യ പൂത്തുലയും..
എന്റെ വിരൽത്തുമ്പിലപ്പോൾ ഒരുരാവിൻ മദംതുടിക്കും ..
നീ ചിരിക്കും ഞാൻ ചിരിക്കും പ്രപഞ്ചം നമ്മുടെ ലഹരിയാകും....

(ചിരിയോ ചിരി)

ഓമനേ നിൻ നീർമിഴിയിൽ തിരഞൊറിഞ്ഞു സ്വപ്നം...
ആ ഞൊറിമലരിൽ കാമദാഹം തോണിയേറിപോയി...
ഒരു കൊച്ചു ചുംബനത്തിൽ ഒരു കടലലയടിക്കും ..
എൻ അധരക്കരയിലപ്പോൾ ഒരു വസന്തം ചിറകടിക്കും..
നീ ചിരിക്കും ഞാൻ ചിരിക്കും പ്രപഞ്ചം നമ്മുടെ ലഹരിയാകും....

(ചിരിയോ ചിരി)