ഏതോ കിളിനാദം

ഏതോ കിളിനാദമെൻ കരളിൽ
മധുമാരി പെയ്‌തു....
ആ രാഗമാധുരി ഞാൻ നുകർന്നൂ
അതിലൂറും മന്ദ്രമാം ശ്രുതിയിൽ
അറിയാതെ പാടീ പാടീ പാടീ

(ഏതോ)

ഇടവപ്പാതിയിൽ കുളികഴിഞ്ഞു
കടമ്പിൻ പൂ ചൂടും ഗ്രാമഭൂവിൽ
പച്ചോലക്കുടയ്‌ക്കുള്ളിൽ നിന്നൊ-
ളിഞ്ഞുനോക്കും കൈതപ്പൂപോലെ
ആരെയോ തിരയുന്ന സഖിയും
പാതയിൽ ഇടയുന്ന മിഴിയും
ഓർമ്മകൾ പൂവിടുമീ നിമിഷം ധന്യം

(ഏതോ)

കനവിൻ പാതയിൽ എത്ര ദിനങ്ങൾ
നോക്കിയിരുന്നു എന്റെ പൂമുഖത്തിൽ
ചേക്കേറാനെത്തീടുന്നൊരു ചൈത്രമാസ-
പ്പൈങ്കിളിയെപ്പോലെ (കനവിൻ)
വന്നവൾ മനസ്സിൽ പകർന്നു
പ്രണയമാം തേനോലും മൊഴിയും
ഓർമ്മകൾ പൂവിടുമീ നിമിഷം ധന്യം

(ഏതോ)