Irfankaripoor@gmail.com

ഏതോ മഴയിൽ നനവോടെ നാമന്നു കണ്ടു 
തീരാ മൊഴിയിൽ മൗനങ്ങളൊന്നായലിഞ്ഞു... 
ഈറൻ കാറ്റിൽ മെല്ലെ ... മായും മഞ്ഞിന്റെ ഉള്ളിൽ 
ഈറൻ കാറ്റിൽ മെല്ലെ ... മായും മഞ്ഞിന്റെ ഉള്ളിൽ  
പുലരും പൂക്കളായിതാ 
പകലുകൾ തീരാതെ പുതുമഴ തോരാതെ ഇരുചിറകറിയാതെ ഒന്നാകുന്നേ 
പലനിറമകലുന്നേ പുതുനിറമുണരുന്നേ ഒരു സ്വരമുയരുന്നേ നെഞ്ചിൽ താനേ... 

സജിനീ ..... 
ആദ്യമായെന്നപോൽ അത്രമേൽ ഓമലായ്‌ നോക്കി നോക്കി നിന്നു .. 
മാരിവിൽ മാഞ്ഞതും രാവുകൾ പോയതും നാമറിഞ്ഞതില്ല... 
പതിവായി ചാരെ നിന്നതും പറയാതെ തമ്മിൽ കണ്ടതും 
പതിവായി ചാരെ നിന്നതും പറയാതെ തമ്മിൽ കണ്ടതും 
ഏതേതോ തേരേറി പോയോ.... 
ഒന്നൊന്നും മിണ്ടാതെ പോയോ 

പകലുകൾ തീരാതെ പുതുമഴ തോരാതെ ഇരുചിറകറിയാതെ ഒന്നാകുന്നേ 
പലനിറമകലുന്നേ പുതുനിറമുണരുന്നേ ഒരു സ്വരമുയരുന്നേ നെഞ്ചിൽ താനേ... 
 

അവിടുന്നെന്‍ ഗാനം കേള്‍ക്കാന്‍
ചെവിയോര്‍ത്തിട്ടരികിലിരിക്കേ
സ്വരരാഗ സുന്ദരിമാര്‍ക്കോ 
വെളിയില്‍ വരാനെന്തൊരു നാണം 
വെളിയില്‍ വരാനെന്തൊരു നാണം 
അവിടുന്നെന്‍ ഗാനം കേള്‍ക്കാന്‍

ഏതു കവിത പാടണം നിന്‍
ചേതനയില്‍ മധുരം പകരാന്‍
എങ്ങിനേ ഞാന്‍ തുടങ്ങണം നിന്‍
സങ്കല്‍പം പീലി വിടര്‍ത്താന്‍ 
അവിടുന്നെന്‍ ഗാനം കേള്‍ക്കാന്‍

അനുരാഗ ഗാനമായാല്‍
അവിവേകി പെണ്ണാകും ഞാന്‍
കദന ഗാനമായാല്‍ നിന്റെ
ഹൃദയത്തില്‍ മുറിവേറ്റാലോ
അവിടുന്നെന്‍ ഗാനം കേള്‍ക്കാന്‍ 

വിരുന്നുകാര്‍ പോകും മുന്‍പേ
വിരഹ ഗാനമെങ്ങിനെ പാടും
കളിചിരിയുടെ പാട്ടായാലോ
കളിമാറാപ്പെണ്ണാകും ഞാന്‍

അവിടുന്നെന്‍ ഗാനം കേള്‍ക്കാന്‍
ചെവിയോര്‍ത്തിട്ടരികിലിരിക്കേ
സ്വരരാഗ സുന്ദരിമാര്‍ക്കോ 
വെളിയില്‍ വരാനെന്തൊരു നാണം 
വെളിയില്‍ വരാനെന്തൊരു നാണം 
 

കണ്ണോട് കണ്ണോരം നോക്കിയിരുന്നാലും
കണ്ണോട് കണ്ണോരം നോക്കിയിരുന്നാലും
കാണാമറയത്ത് ഒളിച്ചാലും
കണ്ണിനും കണ്ണായൊരുൾക്കണ്ണിൻ തുമ്പത്ത്
കണ്ണിനും കണ്ണായൊരുൾക്കണ്ണിൻ തുമ്പത്ത്
കണ്ണീർക്കിനാവായ് തുളുമ്പി നിൽക്കും...

കണ്ണോട് കണ്ണോരം നോക്കിയിരുന്നാലും
കാണാമറയത്ത് ഒളിച്ചാലും
 
എന്തേ കൊലുസിന്റെ ശിഞ്ചിതമൊന്നും നീ
കേട്ടതില്ലാ ഒന്നും കേട്ടതില്ലാ‍
എന്തേ കൊലുസിന്റെ ശിഞ്ചിതമൊന്നും നീ
കേട്ടതില്ലാ ഒന്നും കേട്ടതില്ലാ‍
എൻ മുടിച്ചാർത്തിലെ പിച്ചകപ്പൂമണം
തൊട്ടതില്ല, നിന്നെ തൊട്ടതില്ലാ
ആരോരും കേൾക്കാത്തൊരുള്ളിലെ പ്രാവിന്റെ
വെമ്പലറിഞ്ഞു നീ ഓടിവന്നൂ

കണ്ണോട് കണ്ണോരം നോക്കിയിരുന്നാലും
കാണാമറയത്ത് ഒളിച്ചാലും

എന്തോ മറന്നുപോയ് എന്നപോലെപ്പൊഴും
തേടിവന്നു ഞാൻ തേടിവന്നൂ...
എന്തോ മറന്നുപോയ് എന്നപോലെപ്പൊഴും
തേടിവന്നു ഞാൻ തേടിവന്നൂ...
വെൺ‌മണൽ കാട്ടിലും വൻ‌കടൽ തന്നിലും
ഞാൻ തിരഞ്ഞൂ നിന്നെ ഞാൻ തിരഞ്ഞൂ...
നിൻ വിരിമാറത്ത്  ചായുന്ന നേരത്ത്
എന്നിലെ എന്നെ ഞാൻ തിരിച്ചറിഞ്ഞു

കണ്ണോട് കണ്ണോരം നോക്കിയിരുന്നാലും
കാണാമറയത്ത് ഒളിച്ചാലും
കണ്ണിനും കണ്ണായൊരുൾക്കണ്ണിൻ തുമ്പത്ത്
കണ്ണിനും കണ്ണായൊരുൾക്കണ്ണിൻ തുമ്പത്ത്
കണ്ണീർക്കിനാവായ് തുളുമ്പി നിൽക്കും...

കണ്ണോട് കണ്ണോരം നോക്കിയിരുന്നാലും
കാണാമറയത്ത് ഒളിച്ചാലും

ദൂരെ ദൂരെ വിണ്ണിലെ
മണി താരകം താഴെവന്നോ
മെല്ലെ മെല്ലെ നെഞ്ചിലെ
മായാ ചാമരം വീശിയെന്നോ
കണ്ണിന്‍ കണ്ണിന്‍ കണ്ണിലെ
തേരില്‍ താമര പൂ വിരിഞ്ഞോ
തീരാ നോവിന്‍ ഈണങ്ങള്‍..
കണ്ണില്‍ കവിതകളായ്..

മഴപാടും കുളിരായ് വന്നതാരോ ഇവളോ
തെന്നലായി തണലായി ഇനി ആരോ ഇവളോ
അറിയാതോരോമല്‍ പീലി
തിരയുന്നു തമ്മില്‍ നാം..
കാണാതിരുന്ന നേരമാകെ
തന്നെയായി നാം..

മഴപാടും കുളിരായ് വന്നതാരോ ഇവളോ
തെന്നലായി തണലായി ഇനി ആരോ ഇവളോ

തഞ്ചി തഞ്ചി.. കൂടെ വന്നു
ആലില തെന്നലായ്..
തമ്മില്‍ തമ്മില്‍ കാത്തിരുന്നു
കാണാത്തൊരീണവുമായ്
മേലെ മേലെ പാറീടെണം
കൂട്ടിനോരാളും വേണം..
എഴഴകോടെ ചേലണിയാന്‍
കിന്നാരം ചൊല്ലാനും ചാരത്തു  ചായാനും
കയ്യെത്തും തേൻകനിയായ്

ദൂരെ ദൂരെ വിണ്ണിലെ
മണി താരകം താഴെ വന്നോ
മെല്ലെ മെല്ലെ നെഞ്ചിലെ..
മായാ ചാമരം വീശിയെന്നോ

മഴപാടും കുളിരായ് വന്നതാരോ ഇവളോ
തെന്നലായി തണലായി ഇനി ആരോ ഇവനോ

ചിമ്മിച്ചിമ്മി ചേരുന്നുവോ
താമര നൂലിനാല്‍..
നമ്മിൽ നമ്മെ കോര്‍ത്തിടുന്നു
ഏതേതോ പുണ്യവുമായ്
തീരം ചേരും നീർപളുങ്കായ്
ആതിര ചോലകളായ്..
വാനവില്ലോലും പുഞ്ചിരിയായ്‌
അരികത്തു തിരിപോലെ
തേനോറും പൂപോലെ
മായാത്ത പൗര്‍ണ്ണമിയായ്

ദൂരെ ദൂരെ വിണ്ണിലെ
മണി താരകം താഴെ വന്നോ
മെല്ലെ മെല്ലെ നെഞ്ചിലെ
മായ ചാമരം വീശിയെന്നോ

മഴപാടും കുളിരായി വന്നതാരോ ഇവളോ
തെന്നലായി തണലായി ഇനി ആരോ ഇവനോ
അറിയാതോരോമല്‍ പീലി
തിരയുന്നു തമ്മില്‍ നാം..
കാണാതിരുന്ന നേരമാകെ
തന്നെയായി നാം

മഴ പാടും കുളിരായ് വന്നതാരോ ഇവളോ
തെന്നലായി തണലായി ഇനി ആരോ ഇവനോ

ഒരു നോക്ക് കാണുവാന്‍ കാത്തിരുന്നവള്‍
മിഴിയകന്നു പോയോ..
ഒരു കാറ്റു പോലെയെന്‍ കൂടെവന്നവള്‍
വഴിമറന്നു പോയോ...
ഒരു കഥയായി അവളകലും..
അവളുടെ തേന്‍ചിന്തുകള്‍
നോവുകളായ് പടരും...
അലയുമൊരു കാറ്റിന്‍ ഇതളുകളായ്
വിടപറയാന്‍ ഇന്നെന്തേ ഈ വഴിയില്‍...
വഴി മറയുമേതോ നിഴലിന്‍..വിരലുകളാല്‍
അരികിലോരോമല്‍ തിരിയണയും നിമിഷമിതോ

പറയാതെയെന്തിനും കൂടെ നിന്നവള്‍
മൊഴി മറന്നു പോയോ..
ഇട നെഞ്ചിലായിരം കനവെറിഞ്ഞവള്‍
കഥ മറന്നു പോയോ...
തരിവളകള്‍  അവളണിയും..
അവളുടെ കാൽപ്പാടുമായ്  ഈ
വഴികള്‍ മറയും..
അലിയുമൊരു പാട്ടിന്‍ മധുകണമായി
ചെറു കിളികള്‍ ഇനി മെല്ലെ.. ചിറകുണരും
അരികിലൊരു കാറ്റിന്‍..ചിറകുകളാല്‍
പ്രിയമെഴുമോമല്‍ കുളിരണിയും പുലരികളില്‍

പൂവഴികള്‍ തേടണം പുതിയ നറു തിങ്കളായ്
വീണ്ടുമനുരാഗമാം ചില്ലമേല്‍
ഈണമൊഴുകീടണം ഈ നനയുമോര്‍മ്മയില്‍
ഈറണനിയാതെ നാം.. മേവണം
നനയണമീ ചാറ്റ്മഴയില്‍
നിനവുകള്‍ ഒന്നായി വിടരാന്‍
പ്രിയമെഴുമോമല്‍ കുളിരണിയും  പുലരികളില്‍

അലിയുമൊരു പാട്ടിന്‍ മധുകണമായ്
ചെറു കിളികള്‍ ഇനി മെല്ലെ ചിറകുണരും
അരികിലൊരു കാറ്റിന്‍ ചിറകുകളാല്‍
പ്രിയമെഴുമോമല്‍ കുളിരണിയും പുലരികളില്‍

ഹേ ..
മഴയേ തൂമഴയെ
വാനം തൂവുന്ന പൂങ്കുളിരേ 
വാനം തൂവുന്ന പൂങ്കുളിരേ
കണ്ടുവോ എന്റെ കാതലിയെ
നിറയെ കണ്‍ നിറയെ
പെയ്തിറങ്ങുന്നോരോർമ്മയിലെ..
പെയ്തിറങ്ങുന്നോരോർമ്മയിലെ..
പീലി നീർത്തിയ കാതലിയെ
ലാ.. ലെ.. ഹേയ് ഹേയ് ഹേയ് ഹേയ്
ഹോ ഹോ ഹോ

നീയറിഞ്ഞോ നീയറിഞ്ഞോ
നീയെന്റെതാണെന്ന് നീയറിഞ്ഞോ (2)
മഴക്കാലം എനിക്കായി
മയിൽച്ചേലുളള പെണ്ണേ നിന്നെത്തന്നെ
മിഴി നോക്കി മനമാകെ..
കതിരാടുന്ന സ്നേഹം ഞാനറിഞ്ഞേ
പറയാനും വയ്യ പിരിയാനും വയ്യ
പലനാളും ഉറങ്ങാൻ കഴിഞ്ഞീലാ 

മഴയേ തൂമഴയെ
വാനം തൂവുന്ന പൂങ്കുളിരേ 
വാനം തൂവുന്ന പൂങ്കുളിരേ
കണ്ടുവോ എന്റെ കാതലിയെ

ധീരനാ ധർനാ ധീരനാ രീരനാ
ധീരനാന ധീരധീരനാരു രീധ
ധീരനാര് രീരീ രീ നാര്ധീനാ

നീ വിരിഞ്ഞോ വിരിഞ്ഞോ
ഞാനോർക്കാതെതെന്നുള്ളിൽ നീ വിരിഞ്ഞോ 
മലർ മാസം അറിയാതെ
മലരായിരം എന്നിൽ പൂത്തിരുന്നേ
മലർതോറും കണിയായി ..
ഞാൻ കണ്ടത് നിന്നെ ആയിരുന്നേ 
കഥയാണോ അല്ല കനവാണോ അല്ല
ഒരുനാളും മറക്കാൻ കഴിഞ്ഞീലാ

മഴയേ തൂമഴയെ
നിന്റെ മുത്തിളം തുള്ളികളിൽ
കണ്ടു ഞാനെന്റെ കാതലനെ
കാത്തിരുന്നതാണിന്നുവരെ 

കരിവരിവണ്ടുകള്‍ കുറുനിരകള്‍
കുളിര്‍നെറ്റി മുകരും ചാരുതകള്‍
മാരന്റെ ധനുസ്സുകള്‍ കുനുചില്ലികള്‍
നീലോല്പലങ്ങള്‍ നീള്‍മിഴികള്‍

മാന്തളിരധരം കവിളുകളിൽ
ചെന്താമരവിടരും ദളസൗഭഗം
കുളിരണിച്ചോലകള്‍ നുണക്കുഴികള്‍
മധുമന്ദഹാസത്തിന്‍ വാഹിനികള്‍

ശംഖോടിടഞ്ഞ ഗളതലമോ
കൈകളോ ജലപുഷ്പവളയങ്ങളോ
നിറമാറില്‍ യൗവ്വനകലശങ്ങള്‍
മൃദുരോമരാജിതന്‍ താഴ്വരകള്‍

അരയാലിന്നിലകളോ അണിവയറോ
ആരോമല്‍പ്പൊക്കിള്‍‌ ചുഴിപൊയ്കയോ
പ്രാണഹര്‍ഷങ്ങള്‍തന്‍ തൂണീരമോ
നാഭീതടവന നീലിമയോ

പിന്നഴകോ മണിത്തംബുരുവോ
പൊന്‍‌ താഴമ്പൂമൊട്ടോ കണങ്കാലോ
മാഹേന്ദ്രനീല ദ്യുതി വിടര്‍ത്തും
ശ്രീമഹാലക്ഷ്മി നീ സുരസുന്ദരി
നീ സുരസുന്ദരീ നീ സുരസുന്ദരി

മരണമെത്തുന്ന നേരത്തു നീയെന്റെ
അരികിൽ ഇത്തിരി നേരം ഇരിക്കണേ 
കനലുകൾ കോരി മരവിച്ച വിരലുകൾ
ഒടുവിൽ നിന്നെത്തലോടി ശമിക്കുവാൻ
ഒടുവിലായകത്തേക്കെടുക്കും ശ്വാസ
കണികയിൽ നിന്റെ ഗന്ധമുണ്ടാകുവാൻ
മരണമെത്തുന്ന നേരത്തു നീയെന്റെ
അരികിൽ ഇത്തിരി നേരം ഇരിക്കണേ 

ഇനി തുറക്കേണ്ടതില്ലാത്ത കൺകളിൽ
പ്രിയതേ നിൻമുഖം മുങ്ങിക്കിടക്കുവാൻ
ഒരു സ്വരംപോലുമിനിയെടുക്കാത്തൊരീ
ചെവികൾ നിൻ സ്വരമുദ്രയാൽ മൂടുവാൻ
അറിവുമോർമയും കത്തും ശിരസ്സിൽ നിൻ
ഹരിത സ്വച്ഛസ്മരണകൾ പെയ്യുവാൻ
മരണമെത്തുന്ന നേരത്തു നീയെന്റെ
അരികിൽ ഇത്തിരി നേരം ഇരിക്കണേ 

അധരമാം ചുംബനത്തിന്റെ മുറിവു നിൻ
മധുരനാമജപത്തിനാൽ കൂടുവാൻ
പ്രണയമേ നിന്നിലേക്കു നടന്നൊരെൻ
വഴികൾ ഓർത്തെന്റെ പാദം തണുക്കുവാൻ
പ്രണയമേ നിന്നിലേക്കു നടന്നൊരെൻ
വഴികൾ ഓർത്തെന്റെ പാദം തണുക്കുവാൻ
അതുമതീ ഉടൽ മൂടിയ മണ്ണിൽ നി-
ന്നിവനു പുൽക്കൊടിയായുർത്തേൽക്കുവാൻ
മരണമെത്തുന്ന നേരത്തു നീയെന്റെ
അരികിൽ ഇത്തിരി നേരം ഇരിക്കണേ 
മരണമെത്തുന്ന നേരത്തു നീയെന്റെ
അരികിൽ ഇത്തിരി നേരം ഇരിക്കണേ.. 
ഉം....ഉം....
 

കഴിഞ്ഞു പോയ കാലം കാറ്റിനക്കരെ
കൊഴിഞ്ഞു  പോയ രാഗം കടലിന്നക്കരെ
ഓർമ്മകളെ നിന്നെയോർത്തു കരയുന്നു ഞാൻ
നിന്റെ ഓർമ്മകളിൽ വീണുടഞ്ഞു പിടയുന്നു ഞാൻ (കഴിഞ്ഞു പോയ...)

ദേവദാരു പൂത്ത കാലം നീ മറന്നുവോ
അന്നു ദേവതമാർ ചൂടിത്തന്ന പൂ മറന്നുവോ(2)
ദേവദൂതുമായി വന്നൊരെന്റെ സ്വപ്നമേ
ദേവലോകമിന്നെനിക്കു നഷ്ടസ്വർഗ്ഗമോ(2)   (കഴിഞ്ഞു പോയ...)

മഞ്ഞലയിൽ മുങ്ങി നിന്ന തിങ്കളല്ലയോ
അന്നു തംബുരുവിൽ തങ്ങി നിന്ന കാവ്യമല്ലയോ (2)
കരളിനുള്ളിലൂറി നിന്നൊരെന്റെ രാഗമേ
കരയരുതേ എന്നെയോർത്തു തേങ്ങരുതേ നീ (2) (കഴിഞ്ഞു പോയ...)

-------------------------------------------------------------------------------------------

ജീവന്റെ ജീവനാം കൂട്ടുകാരീ
സ്നേഹാമൃതത്തിന്റെ നാട്ടുകാരീ
പോകരുതേ നീ മറയരുതേ
എന്നെ തനിച്ചാക്കി അകലരുതേ...

എന്നെ ഞാന്‍‌ കാണുന്ന കണ്ണുകളാണു നീ
എന്റെ സ്വപ്നങ്ങള്‍‌ തന്‍‌ വര്‍‌ണ്ണങ്ങളാണു നീ
എന്റെ സ്വരങ്ങള്‍‌ക്കു ചാരുതയാണു നീ
എന്‍‌ ചുണ്ടില്‍‌ വിടരും പുഞ്ചിരിയാണു നീ
നിന്നനുരാഗദീപമണഞ്ഞാല്‍‌
തുടരുവാനാകുമോ ഈ യാത്ര
പോകരുതേ നീ മായരുതേ
എന്നെ തനിച്ചാക്കി അകലരുതേ... (ജീവന്റെ)

തപസ്സിനൊടുവില്‍‌ നീ വരപ്രസാദമായ്
എനിക്കു കൈ വന്ന ജന്മ സുകൃതമായ്
ഞാന്‍‌ ചെയ്ത പുണ്യങ്ങള്‍‌ നീയെന്ന ഗീതമായ്
ജീവനിലെന്നും തുടിയ്ക്കുന്ന താളമായ്
നിന്‍‌ കരലാളനമേല്‍‌ക്കാതിനിയത്
നിശ്ചലമാവുകയായിരിക്കും
പോകരുതേ നീ മായരുതേ
എന്നെ തനിച്ചാക്കി അകലരുതേ... (ജീവന്റെ)