Thalsamayam Oru Penkutti

സാധാരണ റിയാലിറ്റി ഷോകളിൽ നിന്ന് വ്യത്യസ്തമായി ഒരു പെൺകുട്ടിയുടെ ഒരു ദിവസത്തെ യഥാർത്ഥ ജീവിതം ലൈവായി പ്രക്ഷേപണം ചെയ്യുകയാണ് റിയാലിറ്റി ഷോ മുഖ്യപങ്ക് വഹിക്കുന്ന ഈ ചിത്രത്തിലൂടെ.മുൻ കാഥികനും ഹോട്ടലുടമയുമായ അയ്യപ്പൻ പിള്ളയുടെ (മണിയൻ പിള്ള രാജു) ഏക മകളാണ് റിയാലിറ്റി ഷോയിൽ അഭിനയിക്കുന്ന മഞ്ജുള അയ്യപ്പൻ ( നിത്യാ മേനോൻ). ഒരു കോടി വിലയുള്ള ഫ്ലാറ്റ് സമ്മാനത്തുകയായുള്ള ഈ ഷോയിൽ  മഞ്ജുളയുടെ ഒരു ദിവസത്തിലൂടെ സമൂഹത്തിലെ പല അഴിമതികളും ചിത്രീകരിക്കപ്പെടുന്നു. അത്തരം പ്രശ്നങ്ങൾക്ക് പരിഹാരമുണ്ടാക്കാനും ശ്രമമുണ്ടാവുന്നു.