അഫ്സൽ അബ്ദുൾ ലത്തീഫ്

Afsal Abdul Latheef
Afzal Karunagapally
അഫ്സൽ കരുനാഗപ്പള്ളി
Afsal Karunagapally
സംവിധാനം: 1
സംഭാഷണം: 1
തിരക്കഥ: 1

കൊല്ലം-  കരുനാഗപ്പള്ളിയിൽ  തൊടിയൂരിനടുത്ത് അമരത്തുമഠത്തിൽ  അബ്ദുൾ ലത്തീഫ് -  ഖുറൈശിയ ബീവി ദമ്പതികളുടെ മൂന്നു മക്കളിൽ രണ്ടാമത്തെ മകനായ അഫ്‌സൽ  എം ജി കോളേജ് ഓഫ് എഞ്ചിനീയറിംഗ് (CUSAT )  ൽ നിന്ന് എഞ്ചിനിയറിംഗ് പഠനം പൂർത്തിയാക്കിയ ശേഷമാണ് കലാരംഗത്തേക്ക് കടന്നുവരുന്നത്. കലാലയ ജീവിതത്തിൽ ലഘു നാടകങ്ങൾക്കും കോമഡി സ്കിറ്റുകൾക്കും  തുലിക ചലിപ്പിച്ചായിരുന്നു ഈ യാത്രയുടെ ആരംഭം. പിന്നീട് മഴവിൽ മനോരമയിൽ സംപ്രേക്ഷണം ചെയ്യുന്ന മറിമായം എന്ന വർത്തമാന അക്ഷേപ ഹാസ്യ പരിപാടിക്ക് തിരക്കഥയെഴുതി ടെലിവിഷൻ രംഗത്ത് അരങ്ങേറ്റം. അരങ്ങേറ്റം മികവുറ്റതാക്കിയതിനാൽ ഒരു പിടി നല്ല അവസരങ്ങളാണ് വളരെ വേഗത്തിൽ ഈ കലാകാരനേ തേടിയെത്തിയത്. ലഭിച്ച അവസരങ്ങളിൽ നിന്ന് അസിസ്റ്റൻറ് ഡയറക്ടർ എന്ന മേലങ്കിയിൽ ഫ്‌ളവേഴ്‌സ് ടിവിയുടെ  യുടെ ഉപ്പും മുളകും കുടുംബത്തിലേക്ക്  എത്തിച്ചേരുകയാണ്  ഉണ്ടായത് . പിന്നീടങ്ങോട്ട്  സുരേഷ് ബാബു എന്ന കഥാകാരന്റ സഹായിയായും സഹകാരിയായും പ്രവർത്തിക്കുകയും അദ്ദേഹത്തിന്റെ അസാന്നിധ്യത്തിൽ 358-ാം ഭാഗത്തിലൂടെ സ്വതന്ത്ര രചയിതാവായി മാറുകയും ചെയ്തു .എസ് ജെ സിനു സംവിധാനം ചെയ്ത ജിബൂട്ടിയാണ് തിരക്കഥ എഴുതിയ ആദ്യ ചലച്ചിത്രം.