കരകാണാക്കടൽ തേടുന്നു

കരകാണാക്കടൽ തേടുന്നു
നാടാകെപ്പുഴയൊരുത്തീ - ജീവിത
സാഗരത്തിൻ മടിയിൽ ലയിക്കാനായ്
അഴലായുഴലുന്നു ഞാൻ

ചിലപ്പോൾ ചിലരൊക്കെ പറയും
ഈ പുഴയും ഞാനും നന്നെന്ന്
മലവെള്ളം വന്ന് കരകവിയുമ്പോൾ
ശപിക്കും ഞങ്ങളെയൊരു പോലെ
മനുഷ്യാ നീയാരോ (കരകാണാ..)

അകാലസമയേ പുഴ വറ്റീടാം
അപാരസാഗരം കാണാതെ
വിധിയുടെ വീഥിയിൽ ഒഴുകും ഞങ്ങടെ
ജനനവും മരണവും അനിശ്ചിതം
പ്രകൃതീ നീയാരോ (കരകാണാ..)