ഇന്നലെകൾ ഇതു വഴിയേ പോയി

ഇന്നലെകൾ ഇതു വഴിയേ പോയി
നൊമ്പരമായ് പുഞ്ചിരിയും പോയി
മുറിവുകളിൽ വിരൽമുനകൾ മൂടീ
പഴയമുളംകുഴലായ് ഞാൻ പാടാം
പാടാം...രാവിൽ ഈ രാവിൽ

കുരുടൻ ഞാൻ കനവുകളെൻ സ്വന്തം
ആ...
കൂരിരുളും പാലൊളിയും തുല്യം
കനവുകളിൽ മുകിലിഴയും മാനം
ആ...
കാൽക്കീഴിൽ മണലെരിയും തീരം
ആശകളാകെയും ഓർമ്മയിൽ മൂടി പാടാം
പാടാം...പാടാം ഈ രാവിൽ

ചുണ്ടു വരണ്ടൊഴുകിടുമീ ഗാനം
ആ...
സുന്ദരമെന്നാരു പറഞ്ഞാലും
നെഞ്ചെരിയും നേരമിടും താളം
ആ...
ശ്രുതിലയമായ് തോന്നിയിരുന്നാലും
ഉള്ളിൽ പൊള്ളിയ വേദനയാറ്റാൻ പാടാം
പാടാം...പാടാം ഈ രാവിൽ  (ഇന്നലെകൾ)