ഇന്ദ്രനീലമണിവാതിൽ തുറന്നൂ

ഇന്ദ്രനീലമണിവാതിൽ തുറന്നു
അതിൻ പിന്നിൽ നീ നിന്നൂ
പിന്നിയ മുടിച്ചാർത്തിൽ
ഇന്ദുകലാദളം ചൂടി നിന്നു
(ഇന്ദ്രനീല...)

ചന്ദനക്കുളിരേ നീയെന്തിനിന്നെന്റെ
ഇന്ദ്രിയങ്ങളിലഗ്നി കൊളുത്തി
ഈയഗ്നിപുഷ്പങ്ങൾ ഈയഭിലാഷങ്ങൾ
ജീവനിലൂതി ഊതി വിടർത്തി
(ഇന്ദ്രനീല...)

കണ്ണിണയ്ക്കമൃതേ നീയെന്തിനെൻ
കരൾ തന്തികളിൽ ദാഹമുണർത്തീ
ഈ യുവമോഹങ്ങൾ പൂവിടും ഭൂമിയിൽ
നീ വർഷധാരയായ് വീണൊഴുകൂ
നീ വർഷധാരയായ് വീണൊഴുകൂ
(ഇന്ദ്രനീല...)