ദീപമേ നീ നടത്തുകെന്നെയും

നിന്മാർഗ്ഗത്തിൽക്കൂടെ ഞാൻ സ്വർഗ്ഗത്തിൽ ചേരും വരെ
പാവമാമെന്നെ തൃക്കൈകളാലെ പാരിൽ നീ
എന്നും താങ്ങീടേണമേ

ഏൽപ്പിക്കുന്നേ എന്നുടലുയിരും എല്ലാം നിന്നെ
ഏറ്റിടേണം ഇന്നു തൊട്ടെന്നും എന്നെയും നീ
വേദവാക്യമാം പാതയിൽ കൂടെ
പാപിയാമെന്നെ നീ നയിച്ചാലും

ഈ വീഥിയിൽ മൂടുന്ന കൂരിരുൾ തീരുവോളം
ഈശനെ നീ പാദം തളരാതെ പാലിച്ചീടിൽ
സർവ്വശക്താ ഞാൻ ചേർന്നിടും വേഗം
സ്നേഹമാം നിൻ സ്വർഗ്ഗരാജ്യത്തിൽ