ഇളനീലമാനം കതിർ ചൊരിഞ്ഞൂ

ഇളനീലമാനം കതിർ ചൊരിഞ്ഞൂ
എന്റെ ഹൃദയത്തിലായിരം പൂ വിരിഞ്ഞു (2)
അവയിലെ തേൻ കണം ഞാൻ നുകർന്നു (2)
നിന്റെ ചൊടിയിലെ കുങ്കുമം ഞാനണിഞ്ഞു (ഇളനീല...)

കായലിൻ പാവാട ഞൊറിയിൽ
നിന്റെ കാൽ വെണ്ണയുരുകുന്നതു കണ്ടൂ (2)
കാണാത്ത സ്വർഗ്ഗങ്ങൾ കണ്ടൂ (2)
ഞാൻ പൂജിക്കും ദേവനെ കണ്ടൂ (2) [ഇളനീല....]

നെഞ്ചിലെ താളത്തിലിളകും
നിന്റെ കൺകളിലോടങ്ങൾ ഓടി (2)
ആശകൾ ആനന്ദമായി(2)
എൻ മാറിൽ നിൻ നാണം തുളുമ്പീ (2) [ഇളനീല....]