മുകേഷ് ഖന്ന

Mukesh Khanna

1958 ജുൺ 19 ജനിച്ചു. മുകേഷ് ഖന്ന നിയമത്തിൽ പിജി കഴിഞ്ഞതിനുശേഷം ഫിലിം ആൻഡ് ടെലിവിഷൻ ഇൻസ്റ്റിറ്റ്യുട്ട് ഓഫ് ഇന്ത്യയിൽ ചേർന്നു. പഠനത്തിനുശേഷം അദ്ദേഹം അഭിനയരംഗത്തേയ്ക്കെത്തി. എൺപതുകളിൽ ഖന്ന ചില ഹിന്ദി സിനിമകളിൽ അഭിനയിച്ചെങ്കിലും ശ്രദ്ധിയ്ക്കപ്പെട്ടിരുന്നില്ല. 1988 - 1990 കാലത്ത് ബി ആർ ചോപ്രയുടെ മഹാഭാരതം ടെലിവിഷൻ പരമ്പരയിൽ ഭീഷ്മരായി അഭിനയിച്ചതോടെയാണ് മുകേഷ് ഖന്ന പ്രശസ്തനാകുന്നത്. പിന്നീട് 1997 - 2005 കാലത്ത് അദ്ദേഹം ഇന്ത്യൻ ടെലിവിഷൻ ചരിത്രത്തിലെ ആദ്യ സൂപ്പർ ഹീറോയായ ശക്തിമാൻ ആയി അഭിനയിച്ച് കുട്ടികളുടെ ആരാധനാപാത്രമായി മാറി.

എഴുപതിലധികം ചിതങ്ങളിൽ മുകേഷ് ഖന്ന അഭിനയിച്ചിട്ടുണ്ട്. അവയിൽ ഭൂരിഭാഗവും ഹിന്ദി സിനിമകളാണ്. ഒരു മലയാള സിനിമയിലേ അദ്ദേഹം അഭിനയിച്ചിട്ടുള്ളൂ. 2014 ൽ ഇറങ്ങിയ രാജാധിരാജ യിൽ മമ്മൂട്ടിയുടെ വില്ലനായിട്ടായിരുന്നു അഭിനയിച്ചത്.  സിനിമകൾ കൂടാതെ നിരവധി ടെലിവിഷൻ പരമ്പരകളിലും അഭിനയിച്ചിട്ടുണ്ട്. 1998 -ൽ രാഷ്ട്രീയത്തിലിറങ്ങിയ മുകേഷ് ഖന്ന ബിജെപിയിൽ ചേർന്നു.  അവിവാഹിതനാണ് അദ്ദേഹം.