മെജോ

തൃശ്ശൂർ ജില്ലയിലെ ഇരിങ്ങാലക്കുട സ്വദേശിയായ മെജോ മലയാള സിനിമയുടെ കൊച്ചി വിതരണരംഗത്തെ സ്ഥിരം സാന്നിദ്ധ്യമായിരുന്നു. ഇരുപത്തിയഞ്ച് വർഷം മുൻപ് ശ്രീവാസ് ഫിലിംസിലെ ഫിലിം റെപ്രസെന്റിറ്റീവായിട്ടാണ് മെജോ തുടക്കം കുറിയ്ക്കുന്നത്. തുടർന്ന് ഇഫാർ മീഡിയ, സായൂജ്യം സിനി റിലീസ്, ക്യാപിറ്റൽ സിനിമാസ്, തമീൻസ് റിലീസ് എന്നീ പ്രമുഖ സിനിമാ നിർമ്മാണ - വിതരണ കമ്പനികളിലും അദ്ദേഹം പ്രവർത്തിച്ചു. 

മലയാള സിനിമയിലെ പ്രമുഖ നിർമ്മാണ- വിതരണ കമ്പനികളിൽ ജോലി ചെയ്ത പ്രവർത്തി പരിചയമുള്ള വ്യക്തിയായിരുന്ന മെജോ ഡ്രീം ബിഗ് ഫിലിംസിന്റെ എറണാകുളം ഏരിയ മാനേജരായി പ്രവർത്തിച്ചു വരുന്ന സമയത്താണ് ദേഹാസ്വാസ്ഥ്യത്തെ തുടർന്ന് അന്തരിച്ചത്. മെജോയുടെ ഭാര്യ നീതു, മക്കൾ ഹമീൻ മെജോ, മിൻഹാ റോസ്.