പ്രിയമെഴുമെൻ

പ്രിയമെഴുമെൻ ലതാസഖികളേ നിങ്ങൾക്ക്
തെളിനീർ പകർന്നു ഞാൻ പാടാം
വളരേണം നിങ്ങൾ വളരേണം
തളിരിട്ടു പൂവിട്ടു വളരേണം

അരുമയാമെൻ പ്രേമലതികയിലും ഇന്ന്
കിരുകിരെയൊരു കുഞ്ഞു പൂവുണരും
ഒരു കിളി തൂവൽ കുടഞ്ഞുണരും പോലെ
ഇതളിതളായത് വിടരും
വിടരും വിടരും
ഒരു സുഖനൊമ്പരം
പുണരുമീ നമ്മെപ്പുണരും

പ്രിയതമ നിന്നോടല്ലാതിനിയാരോട്
പറയുവാൻ മധുരമാമീ രഹസ്യം
ഉയിരിൽ നിന്നുയിരിലേയ്ക്കെന്നെന്നുമീയാത്മ
പുളകത്തിൻ വാഹിനിയൊഴുകും
ഒഴുകും ഒഴുകും
ഒരു സ്വർഗ്ഗസംഗീതം
ഒഴുകുമീ പ്രാണനിലൂടെ