ഇറ്റലീ നീ

 

ഇറ്റലീ നീ കടലിന്റെ നൊമ്പരം
കൈക്കുടന്നയിൽ കോരിയെടുക്കയോ
നിൻ പുരാതന പ്രേമകഥകൾ തൻ
ഗന്ധമുണ്ടിങ്ങു വീശുന്ന കാറ്റിലും

തപ്തനിശ്വാസമില്ലാതെ ലൗകിക
ദുഃഖചിന്ത തൻ ചിന്തുകളില്ലാതെ
ഈയൊലീവു മരങ്ങൾ തൻ ചില്ലയിൽ
ഊയലാടുവാൻ മോഹിച്ചതെന്തിനോ

ഞങ്ങൾ പൊട്ടിച്ചെറിഞ്ഞ വിലങ്ങുകൾ
ഞങ്ങളെത്തന്നെ വേട്ടയാടുന്നുവോ
ഞങ്ങൾ ചുണ്ടോടടുപ്പിച്ച മുന്തിരി
പൊൻ ചഷകമെടുത്തു മാറ്റുന്നുവോ