പൂവനങ്ങൾക്കറിയാമോ

പൂവനങ്ങൾക്കറിയാമോ 
ഒരുപൂവിൻ വേദന പൂവിൻ വേദന.. പൂവനങ്ങൾക്കറിയാമോ
ഒരു പൂവിൻ വേദന പൂവിൻ വേദന.....

ഓടക്കുഴലിന്നെന്തറിയാം പാടും കരളിൻ തേങ്ങലുകൾ
ഓടക്കുഴലിന്നെന്തറിയാം പാടും കരളിൻ തേങ്ങലുകൾ.
പൂത്തു പിന്നെയുമീ മലർവാടി
പുല്ലാംകുഴലുകൾ പാടി.(പൂവനങ്ങൾക്കറിയാമോ)

കാനനഹൃദയം കാണാതെ
ഞാനൊരു പനിനീർച്ചെടി നട്ടു..
മിഴിനീർ വീണു കിളിർത്തു പിന്നെയൊരഴകിൻ തേന്മലർ പൂത്തു.
മിഴിനീർ വീണു കിളിർത്തു പിന്നെയൊരഴകിൻ തേന്മലർ പൂത്തു.. (പൂവനങ്ങൾക്കറിയാമോ)

പുഞ്ചിരി വിടരും മുൻപേ, നിന്നെ പിച്ചിയെറിഞ്ഞു പൂവേ.
പുഞ്ചിരി വിടരും മുൻപേ നിന്നെ പിച്ചിയെറിഞ്ഞു പൂവേ
മിന്നും മാലയും ഇന്നലെ നൽകിയ കന്നിനിലാവിൻ കൈകൾ.. (പൂവനങ്ങൾക്കറിയാമോ)