പാൽനുരയായ് - F
പാല്‍നുരയായ് നറുപരിഭവമായ്
ഒരു യമുന മനസ്സിലൊഴുകും
ആ തീരത്താരാരോ ഓടക്കുഴലൂതുമ്പോൾ ഗീതാഗോവിന്ദത്തിന്‍ പൂമ്പല്ലവി പാടുമ്പോള്‍ ഉള്ളില്‍ കാല്‍ത്തള കൈവള ഇളകിയതെന്തിനു രാധേ
പാല്‍നുരയായ് നറുപരിഭവമായ്
ഒരു യമുന മനസ്സിലൊഴുകും
അമ്പാടിപ്പയ്യും മേച്ചിട്ടന്‍പോടീ മായക്കണ്ണന്‍ നിന്നെത്തേടും ഈ രാവില്‍
പട്ടാടത്തുമ്പുംകെട്ടി കണ്ണാരം പൊത്തിപൊത്തി
കണ്ണായ് കൂടെ നീ പോരൂ
നീ നീരദവര്‍ണ്ണനു മാറുനിറയ്ക്കാന്‍ മഞ്ജുളചന്ദനമോ
നീ കണ്ണനു ചൂടാന്‍ പീലികൊടുക്കു-
മൊരോമന മാമയിലോ
നീലക്കാടുകള്‍ കോര്‍ത്തൊരു
തൂവനമാലയില്‍
ആരുടെ പൂമ്പൊടി തേടിയ പൊന്നിതളോ
പാല്‍നുരയായ് നറുപരിഭവമായ്
ഒരു യമുന മനസ്സിലൊഴുകും
രാവേറെച്ചെല്ലും നേരം കാളിന്ദി തീരത്തെത്തി നിന്നെപ്പുല്‍കും കാര്‍വര്‍ണ്ണന്‍
തേനൂറും ചെല്ലച്ചുണ്ടില്‍ പൂമൂടി-
ച്ചുംബിക്കുമ്പോള്‍
എന്തേ ചൊല്ലും നിന്‍ മൌനം
നീയാകൈനഖലാളനമേറ്റു മുറിഞ്ഞൊരു ചെന്താമരയാകും
നീയാ മാറിലമര്‍ന്നു മയങ്ങിയുണര്‍ന്നൊരു പീലിക്കതിരാകും
നിന്റെ നിറഞ്ഞുതുളുമ്പിയ നെഞ്ചുതുടിച്ചൊരു പൊന്‍ തുടിയായ് ദ്രുത താളവിളംബിതമായ്
പാല്‍നുരയായ് നറുപരിഭവമായ്
ഒരു യമുന മനസ്സിലൊഴുകും
ആ തീരത്താരാരോ ഓടക്കുഴലൂതുമ്പോൾ ഗീതാഗോവിന്ദത്തിന്‍ പൂമ്പല്ലവി പാടുമ്പോള്‍ ഉള്ളില്‍ കാല്‍ത്തള കൈവള ഇളകിയതെന്തിനു രാധേ
പാല്‍നുരയായ് നറുപരിഭവമായ്
ഒരു യമുന മനസ്സിലൊഴുകും
