നൂലാമാല പാലം കേറി

നൂലാമാലാ പാലം കേറി
വയ്യാവേലിക്കുള്ളിൽ ചാടി
കണ്ണും കാതും ചുറ്റും നീട്ടി
ആരെ കാണുവാൻ

വേറെ ഏതോ ദൂരെ നാട്ടിൽ
ആളും കോളും കൂടും നേരം
നാലും കൂടി പോകുന്നല്ലോ
ആരേ തേടുവാൻ

മിന്നാമിന്നീ നിന്നേ നിന്നേ
നിന്നോടൊന്ന് ചോദിക്കാം
എങ്ങോ മായും കള്ളിപ്പെണ്ണിൻ
നാടെങ്ങാനും കണ്ടോ നീ

കൂരാക്കൂരിരുട്ടും താണ്ടി
ആരും കാണാതോടിപ്പോരും
വായാടി ഓ ഗിവ് ആൻ ആൻസർ
വേർ ആർ യൂ ബേബി?

ഉം ...

ഉല്ലാസമായ് ഉൽസാഹത്തോടെ
മതിൽ കടന്നേ ചാടി
ആഘോഷത്തിൻ ആകാശം മേലേ
ഇടം തിരഞ്ഞോരാളെ

കണ്ണിന്മുന്നിൽ ഉണ്ടെങ്കിൽപ്പോലും
അറിഞ്ഞിടാത്ത പോലെ
മിണ്ടാൻ വയ്യാ പൊല്ലാപ്പിനൊപ്പം
മുഖം മറച്ചേ പോണേ

ഉന്നം തെറ്റി തന്നത്താനേ
ചന്നം പിന്നം പാറുന്നല്ലോ
പൊന്നായ് മുത്തായ് കാത്തോരാളേ
തിരിച്ചെത്തുമോ വേഗം?

നൂലാമാലാ പാലം കേറി
വയ്യാവേലിക്കുള്ളിൽ ചാടി
കണ്ണും കാതും ചുറ്റും നീട്ടി
ആരെ കാണുവാൻ

ഭൂതം ഭാവി ചൊല്ലും തത്തേ
നിന്നോടൊന്ന് ചോദിക്കാം
നട്ടംചുറ്റും കാലക്കേടിൻ
ദോഷം തീരും നാളെന്ന്?

കല്ലും മുള്ളും കൊള്ളും കുന്നിൽ
ഓടിക്കേറി വയ്യാണ്ടായി
കാന്താരി, ഓ ഗിവ് ആൻ ആൻസർ
വേർ ആർ യൂ ഗോയിംഗ്?