ഞാനൊരു പൂവിന്റെ

 

ഞാനൊരു പൂവിന്റെ മൗനത്തിൽ നിന്നൊരു
ഗാനത്തിന്നിതൾ വിടർത്തീ
പ്രാണനിലെൻ പ്രാണതന്തികളിൽ കോർത്തു
കാണിക്കയായ് നീട്ടി
നീയിതു സ്വീകരിക്കൂ കൈ നീട്ടി
നീയിതു സ്വീകരിക്കൂ
എന്നന്തരംഗത്തിൻ വെൺ കളി മുറ്റത്ത്
ചന്ദനത്തൈലം തളിച്ചതാരോ
തെന്നലിൻ കൈയിലൊരജ്ഞാത പുഷ്പത്തിൻ
ഗന്ധമായ് വന്നതാരോ

മംഗലശംഖൊലിയാലെൻ മനസ്സിനെ
നിങ്ങളെന്തിനു വിളിച്ചുണർത്തീ
മഞ്ജുതരങ്ങളാം വൃന്ദവാദ്യങ്ങളാൽ
സംഗീത സാന്ദ്രമാക്കീ