കാവിയുടുപ്പുമായ് കാറ്റു കൊള്ളാൻ വരും

കാവിയുടുപ്പുമായ് കാറ്റു കൊള്ളാൻ വരും
കർപ്പൂരമേഘമേ (2)
ക്ലാവു പിടിച്ച നിൻ പിച്ചള മൊന്തയിൽ
കണ്ണുനീരോ പനിനീരോ (2)
(കാവിയുടുപ്പുമായ്...)

തൂമിന്നൽത്തൂലിക കൊണ്ടു നീയെത്രയോ
പ്രേമകഥകൾ രചിച്ചൂ..(2)
എല്ലാ കഥകളൂം അന്ത്യരംഗങ്ങളിൽ
എന്തിനു കണ്ണീരിൽ മുക്കീ
എന്തിനു കണ്ണീരിൽ മുക്കീ (2)
(കാവിയുടുപ്പുമായ്..)

കാകളി തൂകി നീ വനഭൂമിയിൽ
മോഹഹലതകൾ പടർത്തീ (2)
എല്ലാ ലതകളും പൂത്തു തുടങ്ങുമ്പോൾ
എന്തിനു തല്ലിക്കൊഴിച്ചൂ
എന്തിനു തല്ലിക്കൊഴിച്ചൂ (2)
കാവിയുടുപ്പുമായ്..)