കളിയോ കളവോ നീ പറഞ്ഞു

 

കളിയോ കളവോ നീ പറഞ്ഞു ഞാൻ
കരയുമ്പോൾ കടമിഴി പവിഴമെന്നും
ചിരിക്കുമ്പോൾ നുണക്കുഴി മണിമുത്തെന്നും പിന്നെ
പിണങ്ങുമ്പോൾ അഴകേഴും തളിർക്കുമെന്നും
കളിയോ കളവോ നീ പറഞ്ഞു

ഒരു ഞെട്ടിലിരു പൂ പോൽ ചിരിക്കുമെന്നും ഇണ
ക്കുരുവികളായ് നാം പറക്കുമെന്നും
ഒരു കൊച്ചു കൂട്ടിനുള്ളിൽ മയങ്ങുമെന്നും പിന്നെ
ഇരുളിലും സ്വപ്നങ്ങൾ തിളങ്ങുമെന്നും
കളിയോ കളവോ നീ പറഞ്ഞു

നിഴലുകൾ കണ്ണു കാണാതിഴഞ്ഞു നീങ്ങും ഏതോ
നിശയുടെ താഴ്വരയിൽ ഞാനിരുന്നു
നിറനിലാവെളിച്ചമായി നീയണഞ്ഞു ദിവ്യ
നിമിഷങ്ങളായി കാലം തളിർത്തു നിന്നു
കളിയോ കളവോ നീ പറഞ്ഞു