കാലത്തെ ഞാൻ കണി കണ്ടു

കാലത്തെ ഞാൻ കണി കണ്ടു
കരിമ്പു വില്ലും മലരമ്പും (2)
ചില്ലിക്കൊടിയാൽ കാമുകനെയ്തൊരു
മല്ലീശരവും മാമ്പൂവും (2) [ കാലത്തെ..]

ഇന്നു വിണ്ണിനു ചന്തം നോക്കാൻ
കന്യയാളൊരു കണ്ണാടി (2)
ഇന്നു പെണ്ണിനു തിലകം ചാർത്താൻ
പുലരിചോപ്പിൻ സിന്ദൂരം (2) [കാലത്തെ..]

ഇന്നു വന്നൊരു പൂക്കാലത്തിനു
കണ്ണെഴുതാൻ കരിമേഘം (2)
നിന്നു തുള്ളി നൃത്തം വെയ്ക്കാൻ
സുന്ദരമാം വന വീഥി (2) [കാലത്തെ..]

ഇന്നെനിക്കു നീന്തി നടക്കാൻ
കിനാവിന്റെ പെരിയാറ് (2)
പാടിയാടി ഉല്ലസിക്കാൻ
സ്നേഹത്തിൻ പൊന്നൂഞ്ഞാൽ (2) [കാലത്തെ..]