കണ്ണിൽ കനവുമായ്

മഞ്ഞിൻ നെറുകയിതിൽ പെയ്തുവോ
മണ്ണിൻ മനസ്സുമായ് വിണ്ണിൻ നിനവുകളിൽ 
വിണ്ണിൻ ഹൃദയമണി തൂവലായ്
ഇനിയും നിറങ്ങൾ വാരിച്ചൂടുവാൻ
പറയാൻ മറന്ന സ്നേഹവാക്കുമായ്
ഇതിലേ വരൂ ... വസന്തതീരമേ
(കണ്ണിൽ കനവുമായ് ... )

ആരോരുമറിയാതെ തേടും നിലാമിഴികൾ
ഉള്ളിന്റെയുള്ളിൽ താലോലമേകാൻ
കുഞ്ഞോമൽ സ്വപ്നങ്ങൾ ... 
ഇനിയെന്നു കാണുമെന്റെ വീഥിയിൽ
പുതുജീവനം പകർന്ന കാതലായ്
വരുമോ നിതാന്തശാന്ത തീരമേ...
(കണ്ണിൽ കനവുമായ് ... )

യാമങ്ങറിയാതെ പൂക്കുന്ന ചില്ലകളിൽ
പാടാൻ മറന്നൊരു രാപ്പാടി പോലെ ഏകാന്തമോഹങ്ങൾ 
ഇനിയേതുകാലമെന്റെ കൈകളാൽ
ഋതുജാലകം പുണർന്നു പുൽകുവാൻ
 വരുമോ സുഗന്ധരാഗതീരമേ ... 
(കണ്ണിൽ കനവുമായ് ... )