ആയിരം വിരലുള്ള മോഹം

ആയിരം വിരലുള്ള മോഹം
ആയിരം നഖമുള്ള മോഹം
ഉണരും വേളയിൽ
കരയേറും വീചികൾ
ആയിരം വിരലുള്ള മോഹം
ആയിരം നഖമുള്ള മോഹം

ഭൂമിയിൽ സ്ത്രീയുടെ ഗന്ധം
തെന്നലിൽ കാമുക മന്ത്രം
പനിമതി വിടരവേ
കതിരൊളി പൊഴിയവേ
മാദകശയ്യയിൽ മന്മദ-
ഞാണൊലി കേൾക്കവേ
ലഹരിയിൽ ആറാടി
രതിരഹസ്യം കൈമാറി
ആയിരം വിരലുള്ള മോഹം
ആയിരം നഖമുള്ള മോഹം

നഗ്നത പൂവിടും നേരം
ജീവനിൽ യൗവ്വനദാഹം
ഉടലുകൾ പുളയവേ
നിഴലുകൾ പിണയവേ
ചുണ്ടുകൾ തങ്ങളിൽ
ചുംബനമുദ്രകൾ ചാർത്തവേ
ഒരു നിമിഷം ഒന്നായി
ഒരു മധുരം കൈമാറി

ആയിരം വിരലുള്ള മോഹം
ആയിരം നഖമുള്ള മോഹം
ഉണരും വേളയിൽ
കരയേറും വീചികൾ
ആയിരം വിരലുള്ള മോഹം
ആയിരം നഖമുള്ള മോഹം
ഹേ ലലലാലലാ...