പറന്നുപോയ് നീയകലേ

പറന്നു പോയ് നീ അകലെ (൨)
നിറന്ന പൊൻ ചിറകുമായ് പറന്നണഞ്ഞൂ
നിണം വാർന്ന ചിറകുമായ് പറന്നകന്നൂ ( പറന്നുപോയ്)

മറന്നെങ്കിലെന്നോർത്തു ഞാൻ
മനം നൊന്തു പാടീ ഞാൻ
രാവേ വരൂ പകർന്നേകൂ നീയെന്നെ
ഉറക്കും ഗാനം ( മറന്നെങ്കിൽ)

തുഷാദാരാർദ്രപുഷ്പങ്ങൾ
ഇതൾ വീഴ്ത്തുമോർ‌മ്മകൾ
നിനക്കായി മാത്രം ഞാൻ ഇറുത്തു വെച്ചൂ ( പറന്നു പോയ്)

ഉഷസ്സിന്റെ തീരങ്ങളിൽ ഉണർന്നെത്തി നിൽക്കും ഞാൻ
നീ പാടിയോ മലർച്ചുണ്ടിൽ നിന്നൂർന്ന മണികളൂണ്ടോ ( ഉഷസ്സിന്റെ)

ഇനി പാടിയുറക്കുവാൻ ഇരുൾപ്പക്ഷി വന്നാലും
നിനക്കായി മാത്രം ഞാൻ ഉണർന്നിരിക്കും ( പറന്നു പോയ്)

നിങ്ങളുടെ പ്രിയഗാനങ്ങളിലേയ്ക്ക് ചേർക്കൂ: 
7
Average: 7 (1 vote)
Parannupoy Nee

Additional Info

അനുബന്ധവർത്തമാനം