പൂവേ പൂവിടും മോഹമേ

പൂവേ പൂവിടും മോഹമേ
ചൂടും പൂമണം താ തേൻകണം താ
താരാട്ട് പാടും മനസ്സിന്റെ താളമായ്
ചാഞ്ചാടി വാ ചരിഞ്ഞാടി വാ
(പൂവേ പൂവിടും...)

മലർക്കിളി ഇണക്കിളി ചിറകൊതുക്കാം
കരളിലെ കനവിന് വിരുന്നൊരുക്കാം
അനുപമലഹരി അതില്‍ അലിയുന്നു
അസുലഭ നിമിഷങ്ങള്‍
നന്മകള്‍ ചൂടുന്നോരീ നിമിഷങ്ങളെ
എങ്ങനെ നമ്മള്‍ മറക്കും
(പൂവേ പൂവിടും...)

മനസ്വനി പ്രിയസഖി തപസ്സിരുന്നു
നിനവുകള്‍ നിറമാല കൊരുത്തു തന്നു
ഇനിയൊരു രാഗം അമൃതപരാഗം
നുകരാം തിരുമധുരം
ജന്മസാഫല്യമാം നിമിഷങ്ങളെ
എങ്ങനെ നമ്മള്‍ മറക്കും
(പൂവേ പൂവിടും...)